Equipment

Mayones Regius - "Chris Furer Custom"

Eimol live gseh - die Markä isch mir zum aktuelle Zitpunkt no nid bekannt xi. Aber dr Frunkä isch sofort überegsprungä. Nid nur, dass das Instrumänt wunderbar verarbeitet isch, en durchgehende Hals hei, traumhaft usgsehn und an Konfigurationsmöglichkeitä nid züberbiete sind … Nei, die spielä sich au no hammermässig! Sit 2011 bin ich glücklichä Bsitzer vo dene Gitarrene und bereue bisher no kei Sekunde. Am liebschtä hätt ich no meh vo dene, aber spielä chan mä jo eh nur eini. Mini beide Regius-Babies begleite mich daher jede Tag und jedi Nacht. Sowohl im Studio als au uf dr Bühni.

#MayonesGuitars #Regius #CfCustom

Diezel "The big balls" Herbert

Berüehmt-berüchtigt und sit 2006 min stetige und treue Begleiter. Zuegeh, nid immer ganz praktisch zum transportiere, aber für dä satti Sound lohnt sich dr Ufwand allemal. Die Beschtie isch chum chlizbecho. Sie isch aber nid nur lut, sonder extrem transparent und druckvoll. Ich würdi dr “Herbert” nie meh hergeh! Eimol ghört und scho isch mis Härz für immer verlorä xi und ich han dä Amp unbedingt wellä. In mim Bsitz het er sich denn doch nid so aglost und agfüehlt, wie ich mir das vorgstettl han. Nachdem ich mich mitm Peter Diezel churzgschlosse han und mir sProblem konkret hei wellä agoh, bin ich nach Bad Stebe gfahrä und dört han ich dörfä zueluege, wie dr Peter mini Diezel zum glühe und klingä brocht het, genau so wies hät söllä si. Riesige Dank an dere Stell nomol an Peter Diezel!!

#DiezelAmplification #Herbert #BadSteben #PeterDiezel