Loading...

Bands & Projekt

Uf dr Bühni mit...

Graywolf
2025 - hüt

EN ENERGIGLADÄNÄ ARSCHTRITT FÜR KLASSISCHE ROCK

GRAYWOLF isch e Band us Züri, Schwiz, und sie liebes, wie en US-Fan die Band kürzlich beschriebä het: “GRAYWOLF sind eini vo de authentischte Bands, wo sRock-Genre sit langem hervorbrocht het”.

Uf dr Bühni wärde sie - wie dr name scho seit - zu Jäger, hungrig nach jedem no so chlinä Stückli musikalischer Exzellenz, das sie mit ihrm Publikum teile chönnä. dSongs vo GRAYWOLF wecke Erinnerigä an die grosse Tag vom Rock. Ihri knallharte Melodie und ifühlsame Texte werdet ihr vo de Tiefe vor Verzwieflig bis zu de Höhe vom Glück füehre.

dMitglieder vo GRAYWOLF sind allesamt Rock'n'Roll-Veterane, wo scho hunderti vo Gigs gspielt und mehreri Albe ufgnoh hei (u.a. mit Celtic Frost, Pure Inc., FROZENROO & Brainholz). Wenn mä denn no es grossartigs Songwriting hinzuefüegt, chömmä die individuelle Charaktere zämme, um öppis Neus und Ufregends zerschaffä, aber mit dr Vertrautheit vo de erstä Rock- oder Metalsongs, die me sich chan erinnere, wenn mä se ghört.

Offizielle Webseite

FROZENROOM
2008 - hüt

Was sölli do no sägä…. das isch viellicht sBeschtä wo mir uf mim musikalische Weg het chönnä passiere. Agfangä mit Daydreamer bin ich stetig am Level vo minä beide Weggefährte Al Schwaller und Boris de Roche gwachse. Was am Afang no nachere situationsbedingte Lösig het usgseh het sich zu öppisem entwicklet wo niemerd me het wellä missä. Nämlich e energiegeladeni und kompromisslosi Show mit emene Fürwärk, wo me vomänä sone igschworänä Trio chum erwarte würd. Jetzt sind mir do: FROZENROOM! E hammergeili Bandgschicht mitere unvergässliche Albumproduktion - ihr rocked, Jungs! - und diverse Shows. Nach enere Studiobau- und auch Familiepause schaffä mir wieder mit Volldampf an neuem Material und erarbeite eus dr Platz zrugg uf de Bretter uf dere Welt, um euse knallig-massivi Sound wiederzgeh. Erfahret meh uf eusere offizielle Website vo FROZENROOM!

#FROZENROOM #AlSchwaller #BorisDeRoche #Rock #Mitgründer

Offizielle Webseite

Chris Furer
2020 - hüt

Sit nun einigä Joor hani dr Wunsch ghegt eigeni Songs zschriebä und zproduziere. 2020 het dr ungwollti Startschuss in dr allgemein schwierige Situation weltwit söllä si. dZit isch do xi, dMuse isch do xi und dBedürfnis Gedankä und Emotione mit dr Öffentlichkeit zteile.

Chris Furer - Solo Projekt isch geborä. Mitm Chris Clancy han ich e super Stimm für min erstä Song “All Roads Lead Home” chönnä gwünnä. Und dZämmäarbet goht witer. ICh bin gspannt wo die musikalischi Reis no ahnegoht. Es freut mich nebe FROZENROOM jetzt e zweiti Härzensaglägäheit musikalisch chönnä zverfolgä.

#SoloProjekt #ChrisClancy #ChrisFurer

Official Website

The Hunt
2023 - 2025

The Hunt isch im Joor 2016 gründet worde und überzügt uf Anhieb. So isches kein Zuefall, dass die damals no jungi Band direkt uf dBühni vom gröschte Rockfestival vo dr Schwiz - namentlich em Greenfield in Interlakä - eroberet hei. Mit dr Verpflichtig vom Sky van Hoff isch dr Band dr negschti Clou glandet und heis gschafft dr international anerkennti Produzent für sich zgwünnä. Sky van Hof isch bekannt worde dur dZämmäarbeit mit Rammstei, em Soloprojekt vom Till Lindemann und witärä namhaftä Acts vo dr internationalä Rock- und Metalwelt. Mit Sky van Hoff an dr Sitä het The Hunt Musig wo bewegt, berühehrt, mitrisst und provoziert produziert.

So klinkgt “The Storm” und hievt dBand ines neus Kapitel. Alles bündlet und inere Explosion us intensive Melodie und enere markante Stimmgwalt. Live überzügt dBand mit fette Gitarrä, druckvolle Bäss und mitrissende Drums sowie enere Stimmm wo keine chalt loht. dBand vereint vier regionali Musiker us diverse Genres, paart mit jahrelanger Liveerfahrig - u.a. Draven, Whiteout, Stereobabies, Karthun, FROZENROOM.

THE HUNT - wird dMusiglandschaft vom gsamtä Planet berichärä. Versprochä!

#TheHunt #SkyVanHoff #GreenfieldFestival

Offizielle Webseite

Daydreamer
2007 - 2009

Afangs 2007 hei Daydreamer um Jean-Marc Viller, Alain Schwaller, Boris de Roche und Biagio Aeberahrd en neue Maa an dr Gitarrä gsuecht. Das soebe produzierti Album und dJungs sälber hei mich sofort überzügt und sie hei in mir au kein hoffnigsvolle Fall gseh. Es isch mir so sogar dEhr zu Teil worde, dPlattetaufi zspielä. Mit Daydreamer hei mir viel tolli Konzert gspielt bis zur erneute personelle Veränderig, wo denn zur Namens- und Stiländerig gfüehrt hei… FROZENROOM isch geborä wordä!

#Daydreamer #FROZENROOM # AlSchwaller #BorisDeRoche #BiagioAeberhard

38DD
2005 - 2008

Min erste eigentlichä Abstächer in dCover-Rock-Gefielde het sich mit de Jungs vo 38DD ergeh. Mit de gstandänä Musiker Raffty, Donat, Jan und Dave hei mir Live-Songs vo MötleyCrue, Motorhead, Danko Jones usw. zum Beste. E ächt geili und spassigi Zit xi! Rock'nRoll' pur!

#38DD #RockNRoll #KlassikRock

Excentric
1998 - 2007

En ultrakitschige Afangä… Mä goht gmeinsam in dSchuel, gründet e Schüelerband, entdeckt es gwüsses Potential, entwicklet Ehrgit und macht sich denn “sälbständig”. Nacher enere klassische “Fusion” mitere andere Band us dr hiesigä Musigschuel wisch Excentric geborä. Nach dr Mitgründig ahn ich 1999 zwüschezitlich die Combo verloh und bin 2001 zrugg cho. Denn hei mir euse eigene Rock'n'Roll gspielt und gläbt. Sowohl in dr Freizit als au uf dr Bühni. Unzähligi Shows und vieli Stories spöter han ich dBand 2007 nach de abgschlossene Recordings zum Album “Take This!” verloh, welles mit mine Riffs, Solis und schweissperle 2008 mit dr neue Excentric-Bsetzig released worde isch. Ws mich bsunders freut, dass au ufem Folgealbum “White Knuckle Ride” witeri Rifs und Songs ("So Long!", “And then sun…”, “Still standig” und “The 11th Hour”) us minä Finger us dr damalige Zit dr Wäg uf das glungeni Gsamtwerk vo 2011 gfunde hei. Allerdings natürlich (leider!) nümm vo mir igspielt. Well done guys! Es isch e geili Zit gsi mit euch!

#Excentric #Schülerband #Mitgründer